भारतीय संस्कृती ही सण आणि उत्सवांची संस्कृती मानली जाते. भारतात वर्षभर विविध सण साजरे केले जातात, जे आपल्या सामाजिक एकात्मतेचे प्रतीक आहेत. सण केवळ आनंदासाठी नसून ते निसर्गाप्रती कृतज्ञता व्यक्त करण्यासाठीही असतात. उदाहरणार्थ, 'पोळा' हा सण शेतकऱ्याचा मित्र असलेल्या बैलांप्रती आदर व्यक्त करण्यासाठी साजरा केला जातो, तर 'मकर संक्रांत' हा सण सूर्याच्या उत्तरायण प्रवासाचे स्वागत करण्यासाठी असतो.सणांमुळे मानवी जीवनातील मरगळ दूर होते आणि नवीन उत्साह संचारतो. दिवाळीसारखा दिव्यांचा सण अंधाराकडून प्रकाशाकडे जाण्याचा संदेश देतो. मात्र, अलीकडच्या काळात सण साजरे करण्याच्या पद्धतीत बदल झाला आहे. उत्सवांमध्ये होणारा ध्वनीप्रदूषण आणि पर्यावरणास घातक ठरणाऱ्या वस्तूंचा वापर चिंतेचा विषय बनला आहे. आपण सण साजरे करताना निसर्गाची हानी होणार नाही याची दक्षता घेणे गरजेचे आहे. पर्यावरणपूरक गणेशोत्सव किंवा रसायने विरहित होळी साजरी करणे ही काळाची गरज आहे.



उताऱ्यात 'काळाची गरज' कशाला म्हटले आहे?